Solidarteit Wêreld
2018 – Uitgawe 6 Redakteursbrief
Heildronk op 100 uitgawes
Deur Michelle | 08 November 2018

So staan nog ’n jaar einde se kant toe. Hoewel die laaste deel van 2018 steeds volgepak is met dinge om af te handel, kan ons reeds met tevredenheid terugkyk op die jaar se groei en sukses tot op hede.

Hierdie is die 100ste uitgawe van Solidariteit Tydskrif en bied dus die perfekte geleentheid vir my en die span om die groei van die tydskrif oor die afgelope 17 jaar in oënskou te neem.

Om 100 uitgawes saam te stel, het vereis dat ’n groep mense hard moes werk en – soos met baie dinge in die lewe – ’n paar lesse moes leer tot voordeel van hierdie publikasie. Rome is nie in een dag gebou nie en hierdie puik publikasie wat jy vandag lees, het ook oor tyd gegroei tot ’n tydskrif wat ons lesers inlig, vermaak en waardevolle kennis bied.

’n Heildronk op elkeen wat ’n aandeel in die welslae van die tydskrif gehad het, en bowenal op ons adverteerders en lesers wat ons so getrou ondersteun!

Met die viering van hierdie groot mylpaal vir die tydskrif het ons in dié uitgawe ’n paar areas in die Solidariteit Beweging uitgelig waar groei veelvoudig plaasgevind het. Ek hoop jy kan met trots saam met ons kyk na hoe hierdie areas uitgebrei het om groter, beter en sterker te wees as wat enigiemand kon dink, danksy jou deelname daarin om ’n vry, veilige en voorspoedige toekoms net hier in Suid-Afrika te bou.

Jy kan ook lees oor S-Leer en hoe die Solidariteit-gildes groei, asook hoe Solidariteit die jeug betrek om al sy voordele te geniet. Daarbenewens kan jy die nuutste lees oor die nasionale staking by Sasol en oor die stand van sake by die platsak Denel. Jy kan oudergewoonte ook opvang met die nuutste verwikkelinge by ’n paar van die ander instellings van die Solidariteit Beweging.

Ek wens vir jou en jou familie ’n wonderlike feestyd toe, met al die geluk wat samesyn bring. Volhard hierdie laaste paar weke van die jaar en geniet dan ’n welverdiende ruskans. Vir dié van ons wat enduit werk, byt vas. Niks is ooit verniet nie!

 

Groete

 

 

 

  •  
  •  
  •  
  •  
Ander Artikels

Foster a love for reading in your family

By Lize-Mari Labuschagne Do you read every day? Do your children read every day? And we’re not talking about the thousands of posts on Facebook. Can you remember the last time you picked up a book and read it from cover to cover? According to Susan du Plessis, Director of Educational Programmes at Edublox Reading […]




Kom ons sit die werk voort!

My eerste oorsese besoek was net ná die 1994-oorgang in Suid-Afrika. Ons het by familie gaan kuier wat na Amsterdam in Nederland emigreer het. Ek het op die vliegtuig die digter Totius se biografie klaar gelees, waarin daar vertel word van sy besoek aan Nederland ná die verwoestende Anglo-Boereoorlog. Daarin word beskryf hoe Totius en […]




Sol-Tech se Ozwald eindig agste in seepkiskarwedren

Deur Philip Minnaar   ‘n Seepkiskar met die naam Ozwald die Volstruis, gebou deur Sol-Tech, het agtste geëindig in Red Bull se seepkiskarwedren in Sandton. Red Bull het op 16 September vanjaar dié wedren by Sandton City aangebied waartydens 71 deelnemers mekaar die stryd om die eerste plek aangesê het. Drie van die deelnemers, Eileen […]




Solidariteit-lede bring Sandton tot stilstand met Sasol-stakers

Duisende lede van die Solidariteit Beweging het Donderdag 25 Oktober hofstukke by Sasol se hoofkantoor in Sandton beteken, asook memorandums by die Johannesburgse Effektebeurs (JSE) oorhandig.   “Ons is vandag hier sodat ons eendag vir ons kinders kan sê ons het die regte ding gedoen. Dit wat Sasol nou doen, is verkeerd. Ons kan nie […]




Heildronk op 100 uitgawes

So staan nog ’n jaar einde se kant toe. Hoewel die laaste deel van 2018 steeds volgepak is met dinge om af te handel, kan ons reeds met tevredenheid terugkyk op die jaar se groei en sukses tot op hede. Hierdie is die 100ste uitgawe van Solidariteit Tydskrif en bied dus die perfekte geleentheid vir […]





Registreer / Register

Oops! We could not locate your form.

Maak toe / Close