Solidarteit Wêreld
2020 – Uitgawe 4 Redakteursbrief
’n Waagmoed-keerpunt
Deur Lize-Mari | 14 September 2020

Deur Cilleste van Dyk

Ek skryf vandag die derde opeenvolgende brief vir julle vanuit my woonkamer-kantoor, maar tog voel dit vir my soos ’n keerpunt. Ons is uiteindelik op vlak 2 van die inperking en dis byna asof daar weer ’n mate van normaliteit terugkeer.

Die klein bietjie meer vryheid het my laat besef dat as jy nie gaan waag nie, gaan jy nie wen nie. Ons was en word steeds deur sekere absurditeite ingeperk en ons mag dit nie laat normaliseer nie. Ons moet gereed staan om elke absurditeit uit te wys, want as ons dit nie doen nie, word dit later aanvaar as iets wat “maar altyd so was”.

Hierdie keerpunt is ook vir my nie net ’n bevestiging dat ons altyd gereed moet wees vir aksie nie, maar dat daar steeds baie geleenthede is as ons nie bang is om te waag nie. Die geskiedenis het bewys dat dit moontlik is om op te staan uit die as, mits jy bereid is om planne te maak en hard te werk.

Die volgende bietjie geluk is dat ons dit nie alleen hoef aan te pak nie. Solidariteit help deurentyd om planne te maak en staan jou by sodat jy hard kan werk. Jou werk is immers ons werk.

Ek het met die saamstel van hierdie uitgawe van Solidariteit Tydskrif die voorreg gehad om drie baie dinamiese vroue te ontmoet moet hope waagmoed. Anne-Marie, Odette en Antoinette se stories het gewys dat ’n gemeenskap bankvas staan agter mense wat nie bang is om te waag, planne te maak en hard te werk nie.

Ons gaan waarskynlik nog ’n lang pad met hierdie pandemie moet stap, maar ons sal nie dat die pandemie oor ons loop nie. Die Solidariteit Beweging se instellings het bo verwagting reeds ’n klomp belangrike dinge vermag deur innoverende planne en harde werk. Daarom nooi ek jou uit om rustig deur die tydskrif te “blaai” met jou rekenaarmuis en self te lees wat ons reeds alles kon uitrig danksy die krag van gemeenskap.

Om te sê dat ons hoop skep, klink dalk na ’n wollerige konsep, maar ek kan jou verseker dat dit alles behalwe wollerig is by Solidariteit. Hier word aksies met woord en daad, en soms ’n bietjie ekstra oemf, aangepak om te verseker dat ons die vry, veilige en voorspoedige toekoms kan hê wat almal verdien.

Ek daag jou vandag uit om waagmoed ’n kans te gee.

“Wat is waagmoed? Dit is nie om jou vrese te ontken nie, maar om juis ten spyte van vrees te doen wat jy moet. Wees sterk en vol waagmoed!” – Lynette Beer

Ander Artikels

Onwankelbaar, rotsvas!

Deur Marietha Malan Ek het nog nooit van verandering gehou nie. In die personeelkamer kies ek my stoel in ’n veilige hoek. Selfs op die eerste werkdag van die nuwe jaar, wanneer almal tradisioneel weer nuwe plekke kies, mik ek vir my ou stoel. Ek ry soggens altyd dieselfde pad werk toe en hou dieselfde […]




Occupational guilds – medieval to modern

By Wilmarie Brits Guilds originated in the High Medieval Period, as craftsmen united to protect their common interests in a particular trade. Guilds were generally organisations that used an early form of accreditation and membership in the form of letters patent, which were issued by the local lord. These letters patent afforded the guild the […]




Maak 2020 se Kersfees besonders

Deur Wilmarie Brits Die jaar 2020 was beslis onvergeetlik, maar nie vir die regte redes nie. Die ekonomie het ons almal gedruk soos ’n nuwe paar skoene en talle mense voel aan die einde van dié lang jaar moedeloos, onseker of bloot net omgekrap omdat dinge nie volgens plan verloop het nie. Jy het egter […]




’n Welstandfokus is kritiek vir herstel

Deur Cilleste van Dyk Solidariteit sien sy lede nie net as werknemers nie, maar ook as mense wat as deel van ’n gesin en ’n gemeenskap funksioneer. Die maatskaplike gevolge van die Covid-19-pandemie is omvangryk en daarom het Solidariteit ’n maatskaplike oorbruggingsplan as deel van die Werkherstelprogram bekendgestel. Lees gerus meer op bladsy 40 oor […]




Werkbehoud en -herstel in die nuwe wêreld van arbeidsverhoudinge

Deur Reon Janse van Rensburg Die Covid-19-krisis het die skuif na elektroniese platforms vir werkgewers en werknemers versnel om ’n interaktiewe werkgemeenskap moontlik te maak. Solidariteit gaan in die volgende 18 maande die eerste interaktiewe en geïntegreerde werkgemeenskap ter wêreld bekendstel. Al die elemente van die Solidariteit Netwerk en die Werkherstelprogram gaan op die platform […]





Registreer / Register

Oops! We could not locate your form.

Maak toe / Close