Solidarteit Wêreld
2018 - Uitgawe 5
Nuwe instelling skep onderwyshoop
Deur LJ | 18 September 2018

Foto krediet:

Solidariteit Helpende Hand het geboorte gegee aan die nuutste selfstandige instelling van die Solidariteit Beweging, naamlik die Skoleondersteuningsentrum (SOS), wat vir die afgelope paar jaar onder die vlerk van Solidariteit Helpende Hand ontwikkel het.

Die SOS is gestig om die toenemende uitdagings wat Afrikaanse onderwys in die gesig staar onder die loep te neem. Volgens dr. Dirk Hermann, bestuurshoof van Solidariteit, is die uitdagings so groot dat die Solidariteit Beweging besluit het om 'n eie selfstandige instelling, wie se taak dit is om dié uitdagings die hoof te bied, te vestig. Die totstandkoming van die instelling is 'n opwindende stap vir die Solidariteit Beweging.

Die SOS bied professionele ontwikkeling vir onderwysers en vaardighede vir skoliere in vakke soos Wiskunde en Afrikaans.

Die organisasie besef die noodsaaklikheid van gehalte-onderwys in enige samelewing en ook die enorme invloed wat onderwysers op leerlinge en hul uiteindelike welslae het. Boonop is gelukkige, goed toegeruste onderwysers se geesdrif aansteeklik en syfer dit ongetwyfeld deur na die leerlinge. Juis daarom is twee professionele beroepsorganisasies gestig wat spesifiek omsien na die belange van onderwysers wat Afrikaans as huistaal en Wiskunde aanbied.

Die SOS, wat ook met ’n splinternuwe handelsmerk spog, gaan openbare skole ondersteun om uitnemend te wees, maar gaan ook met die hulp van ander vennote 'n volledige privaat Afrikaanse onderwysaanbod ontwikkel.

Dr. Danie Brink, voorheen besturende direkteur van die Helpende Hand, neem as besturende direkteur die leisels by die SOS en Hannes Noëth is die nuwe besturende direkteur van Solidariteit Helpende Hand.

Redakteursbrief

Deur Cilleste van Dyk Ons sal self. Hierdie drie woorde kan baie arrogant klink sonder die regte konteks. Solidariteit sê: Ons sal self, nie omdat ons dink dat ons dinge alleen of deur ons eie krag sal regkry nie, maar omdat dat daar geen ander opsie is vir ’n voorspoedige toekoms nie. Daarom sê ons […]


Registreer / Register

Oops! We could not locate your form.

Maak toe / Close