Solidarteit Wêreld
2017 – Uitgawe 5 Redakteursbrief
Passievol oor passievolle mense
Deur Michelle | 29 September 2017

Solidariteit se fokus is mense. Mense is die rede waarom elke stryd aangepak, elke idee gedroom en elke plan uitgebou word. Dít word gedoen om tot ’n voorspoedige toekoms vir ons gemeenskap by te dra. Ons kan nie keer dat die see onstuimig word nie, maar ons kan ons skip sterker bou om die storms te weerstaan.

Solidariteit sien homself as ’n minderheidsvoertuig in ’n meerderheidsomgewing. Of dit nou in die werkplek of in die gemeenskap is: ons sal daarvoor veg dat die minderheid ’n regmatige plek in die meerderheidsomgewing kry. Ons glo dat die demokrasie nie aan sy vermoë getoets word om die meerderheid te beskerm nie, maar aan sy vermoë om die minderheid te beskerm.

Die kort en lank daarvan is dat Solidariteit passievol is oor mense, veral wanneer mense net so vurig en dinamies saamwerk om die toekoms in Suid-Afrika vry, veilig en voorspoedig te maak. Daarom fokus die vyfde uitgawe van die Solidariteit Tydskrif op mense: Mense wat ’n verskil maak daar waar hulle is; mense wat gehelp is deur instellings van die Solidariteit Beweging; en mense wat dit moontlik maak vir ’n beweging soos die Solidariteit Beweging om te bestaan. Selfs mense wat geemigreer het, is nie van hierdie groep passievolle mense uitgesluit nie. Dr. Dirk Hermann vertel dat daar ’n goue draad is wat Afrikaners oor grense heen aanmekaar verbind – en dit maak dat ons gemeenskap globaal is eerder as regoor die wêreld verstrooi.

In die vakbond se arbeidsnuus maak Hlaudi Motsoeneng steeds opslae ná die nuutste hofverrigtinge, navorsers van die Solidariteit Navorsingsinstituut neem die omstrede mynbouhandves onder oë en word daar vanaf Solidariteit se kant ’n ope brief aan Lonmin se uitvoerend hoof gerig om sy misnoeë oor die bestuur se besluite oor vakbonderkenning te lug.

Vanuit die instellings is die jongste nuus dat Kraal Uitgewers nuwe lewe in die Louw-digterbroers se nalatenskap blaas. Helpende Hand het gaan uitvind wat die toekoms vir Afrikaanse skoliere inhou, en Akademia maak die deure van ’n splinternuwe studiesentrum in Port Elizabeth oop. Wag, voordat ek alles uitlap: Lees gerus waarmee die instellings van die Solidariteit Beweging hulself besig hou.

Ek hoop die redaksiespan kan in hierdie uitgawe vir jou ’n kykie gee oor presies hoe passievol Solidariteit oor mense is, asook die passievolle mense wat dit hul persoonlike doelwit gemaak het om ’n verskil te maak – al is dit net om ’n voorbeeld te wees van wat gedoen kan word.

Tot die volgende uitgawe – mag jy geseën wees en daar waar jy is ’n verskil maak!

  •  
  •  
  •  
Ander Artikels

Hardwerkende belastingbetalers subsidieer diefstal en wanbestuur

Dit is algemene kennis dat die hardwerkende belastingbetaler moet instaan vir die diefstal en wanbestuur van sowat R1,5 triljoen tydens die Zuma-era. Maar dis nie al nie. Die Ramaphosa-regering gaan volstoom voort om onbeskryflike groot uitgawes vir die belastingbetalers te beplan, soos die onbekostigbare en onwerkbare Nasionale Gesondheidsversekeringstelsel. Die ergste is dat ANC-woordvoerders begin uitsprake […]




Wat kom die keiser werklik toe?

Deur Monica Mynhardt Ons almal kla baie vinnig oor hoe ons sommer wil ophou belasting betaal weens die regering se verkwisting daarvan – met goeie rede ook. Deur te kla oor die wyse waarop ons belastinggeld aangewend word, kyk ons egter die groter vraagstuk mis – behóórt ons enigsins belasting te betaal, en indien wel, […]




Unisa’s unfair affirmative action plan, Quality of education hangs in the balance

By Reon Janse van Rensburg Solidarity has approached the Department of Labour with a request to intervene in the University of South Africa’s (UNISA’s) implementation of its proposed promotion criteria. According to Solidarity, the university’s proposal is a contravention of the Employment Equity Act (EEA). “In the letter to Unisa, two aspects are identified which […]




South Africans’ tax morale at an all-time low

By Lize-Mari Labuschagne  Major concerns about taxpayer morale were raised at the 2019 Tax Indaba held in Johannesburg on Monday, 26 August. The new commissioner of the South African Revenue Service, Edward Kieswetter, said at the tax conference that there has been a drastic drop in individuals’ and businesses’ confidence in the tax collector, which […]




Geskiedenis vertel die storie van ambagte in SA

Deur Cilleste van Dyk Een van die eerste opdragte wat die mens ontvang het, was om die aarde te bewoon en te bewerk. Laasgenoemde is natuurlik ’n reuse-taak sonder enige werktuie of toerusting. Daarom het die mensdom deur die eeue heen bly soek na metodes om dinge vir hulself makliker te maak in die uitvoer […]





Registreer / Register

Oops! We could not locate your form.

Maak toe / Close