Solidarteit Wêreld
2020 – Uitgawe 1 Redakteursbrief
Saam is ons soveel sterker
Deur Michelle | 16 Maart 2020

So staan ons weer aan die begin van ’n nuwe jaar. Vir die een of ander rede klink 2020 idillies, amper asof ’n mens nuut kan begin met belangrike dinge in die lewe of dat daar groot goed gaan gebeur.

Aan die een kant is dit waar, want Solidariteit begin sy strategiese pad na 2030 met wonderlike planne, maar aan die ander kant is daar ook talle afleggings wat sommer reg aan die begin van die jaar werkers se voorland is. Dus moet ons nie net planne beraam en uitvoer nie, ons moet veg ook.

Dit beaam weer waarin Solidariteit glo, naamlik dat almal wat wil werk, moet kan werk.

Dr. Dirk Hermann, bestuurshoof, het juis by die onlangse Toekomsberaad gesê dat ’n goeie werk die mens se grootste behoefte bly. Hy het gesê dit bepaal identiteit, gee selfvertroue, gee betekenis, bied bestendigheid en bepaal welvaart. Werk is ook koninkrykwerk en arbeid is adel, al is die omstandighede ook hoe moeilik. Ons mag dit nie verloor nie.

Ons mag dit dus nie aanvaar as mense in die werkplek geboelie word nie. Ons gaan vanjaar mense in die werkplek beskerm tydens byvoorbeeld afleggings, maar ons gaan ook spesifiek optree teen rasseboelies.

In hierdie uitgawe kan jy meer lees oor die onderwerpe wat tydens die “Op pad na 2030”-toekomsberaad bespreek is, asook waar en hoe Solidariteit vir sy lede veg tydens afleggings. Daar is hierdie jaar ook talle opwindende projekte en veldtogte wat wag.

Ons beplan om weer in 2020 voor die Verenigde Nasies se komitee vir die uitwissing van alle vorme van rassediskriminasie (CERD) te verskyn. Ons vorige verskyning was ’n reusesukses wat uitgeloop het op ’n verslag van die Suid-Afrikaanse Menseregtekommissie waarin bevind is die toepassing van regstellende aksie in Suid-Afrika is rigied en slegs op ras gebaseer, en dat dit moet verander.

Ons sien ook ’n nuwe tendens van vals aantygings van rassisme wat gemaak word. Dis krimineel om mense se loopbane deur vals klagte te vernietig. Ons gaan dit nie duld nie.

Solidariteit gaan sy wettige belastingprotesveldtog verskerp. Ons gaan baie sterk opstaan teen planne om voorgeskrewe pensioenbates te gebruik om sukkelende staatsondernemings te help en beslis ook teen die voorgestelde Nasionale Gesondheidsversekering. Ons kan nie ons gesondheid laat “ver-Eskom” nie.

Solidariteit het pas begin om mense wat werk volgens hul beroepe te organiseer. Oor tien jaar gaan daar ’n reusenetwerk van beroepsgildes binne Solidariteit georganiseer wees. Die gildes gaan jongmense help om die arbeidsmark te betree. Studiefondse gaan gestig word, internskappe gaan aangebied word, mentorskappe gaan vir die jongmense gereël word en werk gaan gesoek word. Gildes gaan help met lewenslange leer. Netwerke gaan gevestig word en die gildes gaan opstaan vir die belange van die beroep. Ons gaan mekaar op groot skaal help.

Ons plaas ook groot fokus op die jeug. Solidariteit Jeug moet jongmense toerus vir die werkplek. Binne twee jaar het sowat 8 000 jongmense profiele by ons geskep. Ons het ’n spesiale loopbaanbepaler wat jongmense help met beroepskeuses. Ons gee inligting oor beroepe. Ons help met CV’s. Ons rus jongmense toe met vaardighede sodat hulle voorbereid is vir werksonderhoude. Ons help met hul vorming en met talle ander aspekte.

Voorspoed vir die jaar wat voorlê, en onthou dat ons saam sterker is.

Ander Artikels

Ongeduld ook ’n virus

Deur Marietha Malan “Ek is nou óór dit,” sê my tweede oudste onlangs toe ons per video gesels. Haar arbeidsterapiepraktyk staan op wankelende bene en versigtige treetjies vorentoe is nodig. Sy het ’n klomp geld – wat sy eintlik nie het nie – spandeer aan ’n elektroniese koorsmeter, ontsmettingsmiddels, ’n plastiekmat en nog heelwat meer. […]




Adaptability the #1 working skill for a Covid-19 workplace

By Wilmarie Brits According to Albert Einstein, the measure of intelligence is the ability to change. In 2020, this is especially true. The labour market is rapidly changing due to Covid-19 and its devastating economic impact on every aspect of the workplace, and experts say we are seeing the greatest labour fluctuation of our time […]




Covid-19: Skool toe of tuisskool?

Deur Wilmarie Brits Covid-19 en die grendelstaat bied talle nuwe uitdagings vir skole, onderwysers en leerders. Die besluit om jou kinders te midde van die pandemie skool toe te stuur of eerder tuis te hou, rus swaar op die skouers van byna elke ouer. Die antwoord is om te doen wat die beste is vir […]




Denel moet opdok ná roekelose optrede

Deur Wilmarie Brits Sedert die arbeidshof op 4 Augustus beslis het dat Denel alle uitstaande kontraktuele en statutêre verpligtinge teenoor sy werknemers teen nie later nie as 7 Augustus moet nakom, het die staatsbeheerde wapenvervaardiger steeds geen betaling gemaak nie. Solidariteit was genoodsaak om die arbeidshof te nader nadat die wapenreus slegs ’n gedeelte van […]




Werk is iets wat jy doen en nie ’n plek nie

Deur Gideon du Plessis Die Covid-19-pandemie het mense se denke oor die werkplek gemoderniseer. Ons begin besef dat werk iets is wat jy doen en nie ’n plek is waarheen jy gaan nie. In sy boek, Maverick, beskryf Ricardo Semler ’n ongewone werkplek waarmee hy in 1993 sy tyd ver vooruit was. Nou, midde-in die […]





Registreer / Register

Oops! We could not locate your form.

Maak toe / Close