Solidarteit Wêreld
2017 – Uitgawe 4 Jou Wêreld Redakteursbrief
Solidariteit wéét wat sy opdrag is
Deur Michelle | 10 Augustus 2017

Het jy al ooit deurmekaar gevoel? Natuurlik, almal van ons was al deurmekaar in ’n stadium. Stel jou voor jy het twee projekte waarby jy direk betrokke is by die werk wat op dieselfde tyd ’n sperdatum het. ’n Mens verdeel outomaties jou aandag en tyd om albei betyds af te handel.

As jy jou oë uitvee, doen jy eintlik niks nie, want jy is so deurmekaar met wie wat doen en met wanneer ’n sekere gedeelte van een van die twee projekte afgehandel moet wees dat jy nie die opdrag met sekerheid kan deurvoer nie.

Die meeste mense is geneig om te veel hooi op hul vurk te hê, hetsy dit werksverwante verantwoordelikhede, persoonlike take of onnodige projekte is. Soms is ’n verantwoordelikheid van so ’n aard dat jy nie kan kies of jy dit wil hanteer of nie – dis eenvoudig noodsaaklik dat jy jou kant bring en dat jy presies weet wat die deel is wat jy moet bydra. Maar sommige verantwoordelikhede kan ons kies. En wanneer jy kies, moet jy mooi kies. Kies dit só dat jy die opdrag binne daardie verantwoordelikheid met sekerheid kan uitvoer. Daarbenewens is innovasie soms nodig om daardie verantwoordelikheid of opdrag tot sy volle potensiaal uit te voer.

Dit is juis oor die verantwoordelikheid wat Solidariteit teenoor sy lede het dat hy presies moet weet wie hy is en wat sy opdrag is. Dit is ’n verantwoordelikheid wat hy moet nakom, maar hy kies ook om dit gefokus, uitnemend en verreikend te doen. As die opdrag vervaag, kan die gewenste uitkoms nie bereik word nie.

Wie is Solidariteit en wat is sy opdrag?

Solidariteit is jou bondgenoot, as ’t ware jou ouer broer, in die werkplek – die een wat al sedert 1902 sy lede teen uitbuiting in die werkplek beskerm; die een wat selfs vir jou as professionele individu werksekerheid skep.

Solidariteit is geanker in sy Christelike grondslag. Hy is ’n voorstander van kollektiewe bedinging, en is verbind aan Suid-Afrika en die grondwet van Suid-Afrika. Hy is onafhanklik van partypolitiek, maar beskerm die minderhede en demokrasie. Hy is ’n waghond teen die onbillike toepassing van regstellende aksie, en glo in die behoud van Afrikaans en ’n vryemarkekonomie met verantwoordelike werksverhoudinge. Daarbenewens is hy ook ’n selfdoen-instansie wat glo in volhoubare ontwikkeling.

Dit is ’n groot opdrag, maar as ’n mens gefokus bly op hierdie verantwoordelikhede, kan ons vir ons self en ons kinders ’n vry, veilige en voorspoedige toekoms in Suid-Afrika verseker sonder om die spoor byster te raak.

In hierdie uitgawe wys ons hoe Solidariteit en die Solidariteit Beweging met behulp van sy innoverende karakter hierdie opdrag suksesvol sal kan uitvoer.

Lees gerus meer oor innoverende inisiatiewe soos S-Leer se nuwe Blits-leer op bladsy 68. Dr. Dirk Hermann verduidelik hoe die vakbond Solidariteit vernuwing ondergaan het en telkens innoverende besluite gemaak het op presies die regte tyd, om te verseker dat ons aan die voorpunt van ontwikkeling bly.

Gepraat van innovering: Akademia is nou volledig geregistreer as hoëronderwysinstansie. Die manier hoe Akademia Afrikaanse onderrig aanpak, spreek van innovering en vooruitgang. Solidariteit KragDag, die selfstandigheid-ekspo, was ook vanjaar weer ’n reuse sukses met 13 000 besoekers wat gaan uitvind het hoe hulle meer innoverend kan wees.

Weet jy wie jý is en wat jóú opdrag is? Kom, #BouSaam met ons!

Ander Artikels

Onwankelbaar, rotsvas!

Deur Marietha Malan Ek het nog nooit van verandering gehou nie. In die personeelkamer kies ek my stoel in ’n veilige hoek. Selfs op die eerste werkdag van die nuwe jaar, wanneer almal tradisioneel weer nuwe plekke kies, mik ek vir my ou stoel. Ek ry soggens altyd dieselfde pad werk toe en hou dieselfde […]




Occupational guilds – medieval to modern

By Wilmarie Brits Guilds originated in the High Medieval Period, as craftsmen united to protect their common interests in a particular trade. Guilds were generally organisations that used an early form of accreditation and membership in the form of letters patent, which were issued by the local lord. These letters patent afforded the guild the […]




Maak 2020 se Kersfees besonders

Deur Wilmarie Brits Die jaar 2020 was beslis onvergeetlik, maar nie vir die regte redes nie. Die ekonomie het ons almal gedruk soos ’n nuwe paar skoene en talle mense voel aan die einde van dié lang jaar moedeloos, onseker of bloot net omgekrap omdat dinge nie volgens plan verloop het nie. Jy het egter […]




’n Welstandfokus is kritiek vir herstel

Deur Cilleste van Dyk Solidariteit sien sy lede nie net as werknemers nie, maar ook as mense wat as deel van ’n gesin en ’n gemeenskap funksioneer. Die maatskaplike gevolge van die Covid-19-pandemie is omvangryk en daarom het Solidariteit ’n maatskaplike oorbruggingsplan as deel van die Werkherstelprogram bekendgestel. Lees gerus meer op bladsy 40 oor […]




Werkbehoud en -herstel in die nuwe wêreld van arbeidsverhoudinge

Deur Reon Janse van Rensburg Die Covid-19-krisis het die skuif na elektroniese platforms vir werkgewers en werknemers versnel om ’n interaktiewe werkgemeenskap moontlik te maak. Solidariteit gaan in die volgende 18 maande die eerste interaktiewe en geïntegreerde werkgemeenskap ter wêreld bekendstel. Al die elemente van die Solidariteit Netwerk en die Werkherstelprogram gaan op die platform […]





Registreer / Register

Oops! We could not locate your form.

Maak toe / Close