Solidarteit Wêreld
2011 - Uitgawe 6 Bedryfsnuus
Uitgawe 6 2011 – Afleggings by Bridgestone beperk
Deur Michelle | 16 November 2011

Deur Cilleste van der Walt & Moira-Marie Kloppers

Statistieke Suid-Afrika se kwartaallikse indiensnemingsyfers wat op 20 September bekendgestel is, toon dat indiensneming in die formele vervaardigingsektor die afgelope jaar met 18 000 poste, oftewel 1,5%, afgeneem het.

Daarbenewens het werkgeleenthede in die sektor die afgelope kwartaal met sowat 8 000 poste gekrimp. Solidariteit probeer om die uitwerking van hierdie syfers op werknemers in maatskappye waar die vakbond verteenwoordig word, tot die minimum te beperk. Een geval waar die vakbond ingegryp en ’n wesenlike verskil gemaak het, is met die beplande afleggings deur Bridgestone in Port Elizabeth.

“Solidariteit was in ’n konsultasieproses by Bridgestone betrokke,” sê Wynand Strydom, Solidariteit-organiseerder. “Die maatskappy het vakbonde in Augustus in kennis gestel dat hy beplan om sy LTR-aanleg in Port Elizabeth te sluit en vervaardiging van dié bande slegs by die Brits-aanleg voort te sit.

“Die maatskappy het in die Artikel 189-kennisgewing gesê dit sou nie finansieel sin hê om die Port Elizabeth-aanleg op te gradeer as hierdie spesifieke bande reeds suksesvol by ’n ander aanleg vervaardig word nie. Dit het sowat 217 werkgeleenthede, oftewel bykans 35% van die werkgeleenthede by die maatskappy, in die gedrang gebring,” verduidelik Strydom.

Deur die konsultasieproses kon die partye daarin slaag om die aantal gedwonge afleggings tot 52 te verminder.

  •  
  •  
  •  
Redakteursbrief

Met die Solidariteit Beweging se Toekomsberaad op 10 Oktober vanjaar het Solidariteit die laaste deel van 2019 met ’n groot hoogtepunt aangepak. Dit was ’n heerlike geleentheid waartydens die energie en opgewondenheid tasbaar was onder die groep mense wat saam groot dinge vir ons toekoms help beplan. Tydens die vorige Toekomsberaad, wat in 2015 gehou […]


Registreer / Register

Oops! We could not locate your form.

Maak toe / Close