Solidarteit Wêreld
2011 - Uitgawe 6 Nuuswaardig
Uitgawe 6 2011 – AfriForum sit stryd teen haatspraak voort
Deur Michelle | 23 November 2011

Foto krediet:

Deur Ilze Nieuwoudt

Dit is diskriminerend, ondermyn menseregte en daar is geen regverdiging om die lied te sing nie. Só meen regter Colin Lamont, wat in sy uitspraak in September die sing van die omstrede lied “Skiet die Boer” tot haatspraak verklaar het.

Volgens Kallie Kriel, uitvoerende hoof van AfriForum, is die uitspraak nie net ’n oorwinning vir AfriForum nie, maar ’n oorwinning vir wedersydse erkenning en respek wat daar tussen gemeenskappe moet wees. Hy reken dat daar voortdurend teen die kultuur van oneerbiedigheid in Suid-Afrika geveg moet word, soos wat nou deur die “Skiet die Boer”-hofsaak gedoen is.

 

Enkele dae nadat die hof bevind het dat die sing van die lied onvanpas is, het die ANC aangedui dat hulle die uitspraak sal
teenstaan. Hulle aansoek om verlof tot appèl is intussen toegestaan. Dit, meen AfriForum, skrik hulle egter nie af nie.

 

“AfriForum se regspan is gereed en sien daarna uit om die gelykheidshof se bevinding in die appèlhof
en selfs die grondwetlike hof te verdedig,” het Kriel gesê. “Ons het verwag dat die verlof tot appèl toegestaan sou word, aangesien dit ’n saak van openbare belang is. Ons glo egter dat ons ’n baie sterk saak het en ons glo ons sal wen,” verduidelik Kriel.

 

Daar was vroeër teenkanting teen AfriForum se hofsaak vanuit sekere geledere wat meen dat daar geen bewyse is dat enige aanvalle op Afrikaners as gevolg van die lied plaasgevind het nie. Volgens Kriel stel die wet dit duidelik dat iets haatspraak is wanneer ’n redelike persoon tot die gevolgtrekking kan kom dat dit ’n bedoeling demonstreer om skade te veroorsaak. Dus hoef daar glad nie enige fisieke skade aan iemand gedoen te word vir iets om as haatspraak beskou te word nie.

Redakteursbrief

Deur Cilleste van Dyk Ons sal self. Hierdie drie woorde kan baie arrogant klink sonder die regte konteks. Solidariteit sê: Ons sal self, nie omdat ons dink dat ons dinge alleen of deur ons eie krag sal regkry nie, maar omdat dat daar geen ander opsie is vir ’n voorspoedige toekoms nie. Daarom sê ons […]


Registreer / Register

Oops! We could not locate your form.

Maak toe / Close